Cjacaris e risultâts

Il Colloquium retoromanistich al è une ocasion, che e cole une volte ogni trê agns, par cjatâsi tra furlans, ladins des Dolomitis e rumançs. 

Cheste volte al è stât a Gurize, inmaneât de SFF dai 20 ai 22 di Novembar.

Al jere previodût il salût dal president de ARLeF, Eros Cisilino, che no si è fat viodi.

Al jere in program un intervent dal diretôr de ARLeF William Cisilino, parcè che si veve notât lui. La dì prime al à visât che nol sarès vignût e al à mandât un dipendent a fâ la biele figure di presentâ la sô relazion: une relazion dulà che si fevelave dai elements previodûts des normis e dai plans plurienâi come se par magjie a fossin ducj metûts in vore.

Ae fin de relazion mi soi permetût di cjapâ la peraule e fâ la liste dai risultâts reâi.