Bon Nadâl!

Bon Nadâl a ducj,
par me un biel Nadâl a Udin, cu la citât plene di lûs...



Cul presepi cu lis statuutis vieris di gno pari...



E un piçul particolâr catalan, zontât cence fâsi inacuarzi!


Bai tradizionâi catalans

Domenie passade a Castellar del Vallès a àn fat bai popolârs inte schirie di manifestazions de "Maratone" par tirâ sù bêçs pe ricercje mediche su lis malatiis dal cûr.
Une biele ocasion par viodi esemplis di folclôr catalan: ca us met un "ball de bastons" e une "cobla".

Eletrocjadene di Nadâl

Ancje jo o cjapi sù la cjadene di Nadâl dai simpaticons dal blog Corona's! Ve chi lis mês rispuestis:

Tre adietîfs par descrivi il to blog:
Personâl, fotografic, viazadôr.

Trops blogarìns âstu cognossût di persone?
O disarès trê o cuatri, ma ju cognossevi za prime che a vessin metût sù un blog.

Cuâl blogarin varessitu gust di cognossi di persone?

Janez, il so blog furlan e sloven al è propit biel, e magari e sarès la volte che o tachi a studiâ un tic di sloven.

Cuâl isal il prin blog che tu leis a buinore?
In gjenar, ancje se no simpri a buinore, chel di Christian e po dopo chei altris furlans!

Di cuâl blog tu fiestezaressistu la sieradure?
Cun dut il rispiet (che al merete, ...alore no sai trop), Paolo Ciani: se al sparìs il so blog al vûl dî che invezit di dî stupidagjinis tal mont de politiche magari al è tornât a cjase a fâ alc di bon.

Fâs il talent scout: lance un zovin blogarin-promesse.
Dificil: o ai pôc timp par zirâ a cjatâ gnove int, ma o soi sigûr che se al ven fûr alc di gnûf che al merete lu cjati li dal Furlanist.