Ve ca la ultime produzion di Luigino Peressini, une biele mape dai prodots tipics furlans. Il librut che al va insiemi cun chê al è par furlan, todesc e talian. Domandaitle al ERSA, li dal tendon in place Sant Jacum par Friuli DOC!
Propit une biele splaze a 40 km a Nord di Barcelone, di racomandâ ancje il camping che al è li tacât.
In bande dal Tiliment, a pene fûr Divilin, segnalât ma pôc cognossût e visitât al è un biel puest cuiet, tra aghe, muscli e monts.
Un zîr pes malghis jenfri Sauris e Cjanâl Pedarç, là che par câs si pues cjatâsi cuntun amì: un salût a Pauli!
Dopo un an e mieç, un altri zîr par un cjanton des monts dal prelitorâl catalan. Sul orizont Montserrat.
Augurons ae Serling, che juste 10 agns indaûr si costituive devant dal nodâr a Feagne.
10 agns di traduzions, cors, dizionaris, coretôrs ortografics, tradutôrs automatics, libris, colaborazions... e barufis, strussis e sodisfazions!
E pal avignî, chel che aromai al è deventât un sproc: "Sperìn ben!"
Par un che al lavore cui dizionaris lis definizions a son impuartantis. Il mont al va indevant e no si pues restâ leâts a criteris vieris e utopistics, si scuen stâ inzornâts, ancje cui dizionaris. Alore riviodìn chest leme.
Justizie, s.f., 1. omicidi ordenât a nivel extrajurisdizionâl di une autoritât publiche 2. strumentalizazion di notiziis no confermadis e no documentadis di atrocitâts par doprâ il terôr cun finalitât antiteroristiche
SIN: terorisim, sassinament
CONTR: justizie
