Camino de Santiago - León

Rivant a León, sedi tal teritori che dopo te capitâl, si viodin segnâi continuâts di un autonomisim anticastilian: di fat la Castilie, che te Ete di Mieç e jere nassude come frontiere e perifarie di León, cumò invezit e je dominante.
La citât di Leon e à un domo une vore biel, cun cualchi leam di parintât cun chel di Burgos, cemût che a dimostrin ciertis struturis e soredut lis sculturis dal portâl in bande (la foto ca sot invezit e je dal portâl principâl, cuntune sene di Paradîs e Infier pardabon spetacolâr).