Mandi Cadorna
A mi no mi displasarès une biele place "Decimâts", o "Vitimis dal nazionalisim talian" o "Disertôrs di dutis lis vueris", ancje se i fasarès vignî i sgrisui a plui di cualchidun.
A mi mi fasin vignî plui sgrisui i monuments ai "Caduti" in ogni paîs dal Friûl, la retoriche viliache e criminâl che dopo di vê mandât a murî e a copâ te piês maniere milions di personis ju fâs deventâ erois par preparâ la prossime butade di martars pronts a sbudielâ e a fâsi sbudielâ par cuatri parons che ur mangjin parsore.
Un puest di visitâ par pensâ e par fâsi vignî frêt te schene al è il "Cimitiero degli Eroi" daûr de basiliche di Aquilee.
4 coments:
Place Rotgaut rulez! ;-)
Ben, place Rotgaut ancjemò no mi pâr che e sedi, ma almancul si à di dî che tal museu archeologjic di Cividât i àn dedicât une biele bacheche.
Mandi Sandri,
come che tu disis tu, in efiets metint un coletîf "gloriôs" e al è il pericul che al sedi ancje chel doprât simpri in sens nazionalist talian.
Dut câs, si varès di tacâ a insegnâ la storie (chê vere) al nestri popul e no chê dal paron di turni che al à scrit i libris sul cjâf de int, incocalintle. Al bastarès za chest par fâ colâ une biele rie di tabelis toponomastichis, vere?
Magari cussì no, ma mi pâr che i timps a sedin dûrs!E je un grum di int che e dopre la realtât in maniere parziâl fasintle deventâ false par cualchidun di plui sveât, e veretât sacrosante pe masse.
Post a Comment