Montserrat

Tal cûr de Catalogne e je une mont pardabon uniche, cualchidun al dîs che e somee une mont de Lune, par altris a somein tancj dêts di piere, par catalan si clame Montserrat: la Mont seade.

Tal mieç dai crets al è un santuari cuntune Madone Nere: cemût che a 'nd è ancje in Friûl, e je nere pes cjandelis che a piavin par vê cualchi gracie.
Il santuari di Montserrat, pal so ambient, pe comunitât benedetine che lu ten, pe scuele di cjant, pe biblioteche, pai studis e pes publicazions che si fasin, al è pardabon alc di fondamentâl pe Catalogne.

Pe famee de mê nuvice al è ancje il grant onôr di vê vût un Abât di Montserrat, Gregori Suñol.